Бос жұмыс орындары жәрмеңкесі

Қоғам

2:28 20 Қазан 2011

Таң атысымен екі қолға бір күрек іздегендер бос орындар жәрмеңкесіне қарай ағылды. Себебі осымен 10-шы рет өткізіліп жатқан шараға шағын бизнес өкілдері көптеп тартылыпты. Есесіне халыққа ұсынылған жұмыстар саны да арта түскен. Өңір кәсіпорындарында инженер-техник, құрылысшы мамандары тапшы.

Ғалия Сәбитова, Петропавл қаласының жұмыспен қамту және әлеуметтік бағдарламалар бөлімінің бас маманы:
-Бізге 35 кәсіпорын келді. Олар халыққа 712 бос орын ұсынып отыр. Бүгінгі таңда юрист, экономист, бухгалтер мамандары тым көп болғандықтан, олар өкінішке қарай сұранысқа ие болмай жүр.

5 жыл көлемінде облыста  құрылыен айналысып жүрген «ЛАТЭМ-СЕВЕР» ЖШС жақында Жамбыл көшесінің бойында 9 қабатты үйдің құрылысын бастапты. Ал оны тезірек салып бітіру үшін білікті құрылыс бригадалары жетіспейтін көрінеді.

Дүйсенбай Хамзин, «ЛАТЭМ-СЕВЕР» ЖШС прорабы:
-Кірпіш қалаушылар керек. 6-7 адамдай. Үйді сылайтындар қажет. 4-5 адам. Бетон құятын керек. Біз ай сайын осында келіп тұрамыз. Қаламызда құрылыс көп. 3-4 бригада керек.

Жұмыс іздеп келгендер арасында өз мамандығы бойынша қызмет таба алмағандар жиі ұшырасты. Дегенмен, олар шамасы жететін басқа кәсіптерді де қарастырып, жұмысқа тұрып қалу мүмкіндіктерін жіберіп алмауға тырысты.

-Мен жасыма, жағдайыма сәйкес келетін жұмыс іздеп жүрмін. Егер менің қолымнан келетін мамандық болса, мүмкіндігімді сынап көремін.
-Мен бос орындар тізімін қарап жүрмін. Өзіме сәйкесін қарастырудамын.
-Мамандығым эколог. Бір-екі бос орын бар сияқты. Қазір кеңесіп көремін.

Жәрмеңке қорытындысы бойынша ұсынылған бос орындарға 57 адам сәйкес деп табылып, олар кеңесуге шақырту алды.

Гүлден Төлеген

Бұдан әрі оқыңыз

Биыл жылудың тарифі өсуі мүмкін
Ұшақ билетінің бағасы арзандайды
Ғимараттардың төбелерінде мұз сүңгілер пайда бола бастады
Қаңтардың 27-сі – Холокост құрбандарын еске алу күні
25 мың 500 адам мемлекеттік қолдаудың шарапатын көрді
Пайдасы шамалы шараларды “Рухани жаңғыру” аясында өткізу тыйылады
Қарттарға қамқорлық
Жалғызбасты қарияға көмек
СҚМУ-да “Red sparks2020” стартап-жобаларының байқауы өтті
Мемлекеттік қызметтерді алу үрдісі жеңілдетілді
Судьялардың өкілеттігі жоғарылауы мүмкін
СҚО -да сыбайлас жемқорлық фактісі тіркелді